موقع لتدريب الاطفال على الساعة

دة موقع جميل جدا ينفع لتدريب الاطفال على الساعة بعد ما يتعلموها

ان شاء الله تستفيدوا منه 

Stop The Clock

برنامج عدنان معلم القران للاطفال رائع

دة برنامج روووعة لتحفيظ الاطفال جزء عمو بعض الاناشيد ....مفيد جدا جدا 

 

للتحميل اضغطى على الرابط 

الموقع بتاعه اهو 
http://adnanquran.com/

نشاط ربط الحذاء للاطفال لتنمية المهارات

   

دة نشاط منتسورى روعة و مفيد للاطفال هو ربط الحذاء 

هو من ضمن انشطة تنمية المهارات و دة مهم جدااااا للطفل 

 هنطبع النموذج من هنا

http://star.krokotak.com/i/2009021700001

و نلزقة على ورق كرتون او اللوح الفللين حسب المتاح المهم يكون شئ جامد علشان مش يتقطع 

و بعدين الطفل يلونه براحتة و نعمل الخروم مكان الرباط و نستخدم اى رباط جزمة قديم او نشترى واحد 

و طبعا هتلاقى الطفل منهمك جداااا لوقت طويل و تشوفى حالك انتى بقى :))

و دة نموذج تانى للطباعه 

يبقى كدة بعد الربط 

رسم ورق شجر طبيعى ملون رووووعة بالخطوات Leaf RUBBINGS

 

 

دى فكرة روووعة فعلا للاطفال و سهلة و ممتعه جدا اعتقد للكبار كمان و ممكن تشاركى فيها معاهم 

هى

  Leaf RUBBINGS

المطلوب 

ورق شجر جاااف (لازم جاف و لو طرى ممكن تجفيفة بالمكواه)

و الوان خشب عادية 

 

الخطوات 

هتجيبى ورق A4  و تحطى ورق الشجرة جواه و تطبقيه عليها 

و هتخلى الطفل يلونه من فوقها 

 

و دى النتيجة لما نعمل كذا ورقة بجد لوحة جميلة و ممكن تبروزيها و تعلقيها للطفل فى الاوضة بتاعته 

رسم الفراشة باليد للاطفال بالخطوات المصورة

دى  فكرة نشاط حلو اوى و سهل عن رسم الفراشة باليد للاطفال 

الصور شارحة الفكرة ان شاء الله 

الاول هنخلى الطفل يرسم ايده الاتنين مع بعض زى الصورة و يرسم وشها و التفاصيل الموضحة

 


و بعدين نخليه يلون الفراشة بتاعته براحتة و يعمل فيها الاشكال اللى تعجبه كده

تعليم الاطفال الالوان و انواعها و مزجها

 

 

لتعليم الاطفال

مزج الألوان

بسهولة لازم نفهمهم ان فى انواع و تقسيمات للالوان و هى :

 

1) الألوان الأساسية :
وهي ثلاثة ألوان فقط تتمثل في
الأحمر  ـ الأزرق ـ الأصفر .. وتسمى بهذا الاسم لسببين هما:
1ـ إذا مزجناها مع بعضها البعض تعطي ألوان أخرى.
2ـ لا نستطيع أن نستخرجها مهما مزجنا من ألوان.
 

 

2)الألوان الثانوية او الفرعية:

 و هي ثلاثة ألوان نحصل عليها إثر مزج الألوان الأساسية مع بعضها البعض و تتمثل في :
البرتقالي ـ الأخضر ـ البنفسجي تستخرج حسب القاعدة الآتية:
لون أساسي + لون أساسي آخر = لون ثنائي
و إذا ما طبقت القاعدة على الألوان تصبح النتيجة كالآتي:
1 ـ أحمر وردي + أصفر ليمي = برتقالي
2 ـ أصفر ليمي + أزرق = أخضر
3 ـ أزرق + أحمر وردي = بنفسجي
 

لغاية هنا سهل لاطفال المرحلة الابتدائية و الكى جى تو مثلا 

لو حد حابب يزود المعلومة ممكن يتكلم معاهم عن النوع الثالث للالوان و دة اختيارى طبعا و هضيفة بس للافادة 

 
3) الألوان الثلاثية (الوسطية) او المشتقة :

 و هي ستة ألوان نحصل عليها إثر مزج الألوان الأساسية مع الألوان الثنائية و هي كالآتي:
1ـ الأصفر الطيني ( برتقالي فاتح )
2ـ البرتقالي الأحمر ( الأحمر الآجواني)
3ـالأخضر المصفر
4ـ الأخضر المزرق ( الأخضر الزمردي )
5ـ البنفسجي الوردي
6ـ الأزرق البنفسجي
 

 

  هنا صور توضيحية لنتيجة مزج الالوان علشان الطفل يفهمها بسرعة 

 

  

و هنا فلاش تعليمى جمييل جدا و معاه تدريب على مزج الالوان 

 http://www.schoolarabia.net/colours_garden/colours_mix/2.htm

ice cream cone لتعليم الارقام و الالوان بسهولة و متعة

دة نشاط تعليم الاطفال الالوان و الاشكال باستخدام عمل فنى لكونات الايس كريم 

  

بالنسبة للاطفال الصغيرين خالص و اللى هندربهم لسه على الالوان يبقى نطبع الالوان الاساسية الاول (الاحمر و الاصفر و الازرق)

و نخليهم يحطوهم على الايس كريم 

و فى نفس الوقت هنعمل نشاط تانى للارقام من 1 ل 3 

و فى الاخر ممكن نزود لون ثانوى زى البرتقالى مثلا و معاه رقم 4 

بالنسبة للاطفال الاكبر +3 

هنستخدم الالوان كلها و يفضل نقسهم الوان اساسية و الوان ثانوية و نعمل مع الطفل نشاط تعليمى لكيفية مزج الالوان و استخراج لون جديد 

 

فممكن بعد نشاط مزج الالوان نعمل نشاط الايس كريم كتطبيق عملى ممتع 

و بالنسبة لنشاط كون الارقام فيتم بالتزامن مع الالوان عادى 

طبعا مننساش نلزق اسامى الالوان على الايس كريم 

هنا كل ادوات طباعه النشاط 

 Color Templates:
*Cone 1
*Cone 2

Scoops:
*Blue & Green
*Red & Yellow
*Orange & Purple
*Brown & Pink
*Gray
Optional Cones:
*Black & White

*Color Labels (English)

Black & White Templates:
*Cone 1
*Cone 2
*Scoops
*Color Word Labels (English)

*Number Labels