الاثنين، 30 سبتمبر 2013
الجمعة، 27 سبتمبر 2013
الاثنين، 16 سبتمبر 2013
تعليم الطفل على مهارة صب الاشياء الجافة بالمنتسورى Pouring Grains
انهاردة هنشرح نشاط منتسورى تعليم مهارات عمليه للحياة
هو نشاط
Pouring Grains
هو سهل جدا و ادواتة متوفره فى البيت
الادوات
1- صينية بلاستيك
2- اتنيين مج شفاف بيد (الافضل شفاف علشان الطفل يشوف المحتويات بوضوح)
3- اى حبوب او مكرونة
الطريقة
من اليمين للشمال
هتعلمى الطفل يمسك زى الصورة كدة و ينقل الحبوب من الفاضى للمليان
و هنا صورة من الشمال لليمين بنفس الخطوات
لما الطفل يتمكن من الدرجة دى
نحاول نصعب الموضوع باننا مثلا نستخدم كوبيات من غير يد
او مج واحد كبير فيه الحبوب و يصبها فى كذا كوباية صغيريين
طريقة تعليم الارقام من 1 ل 10 بالمنتسورى Number Rods
زى ما احنا عارفين ان المنتسورى طريقة رااائعة لتقدم الطفل و قدراتة ومهارتة فى جوانب كتير
فبامر الله هحاول اغطى جزء كبير منه على اد ما اقدر بطريقة سهلة و مفهومة و بالعربى
هنبتدى بالماث
و من البداية خااالص فى التعريف بالارقام من 1 ل 10
بنستخدم طريقة
Number Rods
الهدف
هو اننا نعلم الطفل مفهوم الكم و زيادته و الارقام من 1 ل 10
الادوات
هى عبارة عن قطع خشب اصغرهم 10 سم و اكبرهم متر و بتزيد كلواحدة عن التانية ب 10 سم
و كل عمود متقسم حسب طولة كل 10 سم لون احمر او ازرق بالتبادل
طبعا هى عندهم هناك بتتباع من خشب و لو عرفتى تشتريها من هنا يبقى خييير انما ممكن تعمليها باى امكانيات و لو تطبعيها على ورق مقوى او فرخ الفوم
الطريقة
1-هنفرش مفرش او قماشة المنتسورى البيضا (لازم على فكرة او افضل يعنى لانها بتزود تركيز الطفل)
و هنرص الrods زى الصورة يعنى من 1 ل 10
2-هنفهم الطفل مفهوم الكم باننا ناخد اول rod ونبعده عن الباقى و نقول له 1
- 4- هنفضل نعمل كدة لغاية ما نخلص الارقام كلها و يبقى واضح شكل السلم دة و كل صف عليه الرقم بتاعه كده
- بعد ما نخلص هنختبر الطفل بعد ما طبعا نعملها كذا مرة لغاية ما يكون استوعبها كويس
- هنقول له مثلا : هات rod رقم 3 ؟
- هات الrod اللى بعد رقم 4 ؟
- كدة يعنى براحتك
- هنا شيت طباعة ال
Number Rods
و هنا الحل
الجمعة، 13 سبتمبر 2013
نشاط foam sewing cards للاطفال بالصور حلو اوى
دة نشاط حلو اوى للاطفال و بيقوى التركيز و كمان يخليهم مشغولين عنك شوية
و ادواتة سهلة و متوفرة
دى الفكرة العامة
الادوات المطلوبة
1- اشكال فوم و ممكن انتى بتشترى الفرخ من المكتبة و تقصى الاشكال
2- ابر مخصوص للاطفال
3- خيط تخين شوية زى بتاع الكنفاه مثلا
الطريقة
هتخرمى الشكل بالابرة او بخلة سنان
هيبتدى الطفل يخيط بين الخروم و لما يخلص نضيف شوية رتوش للقطعة برسومات توضح الصورة
د
الاشتراك في:
الرسائل (Atom)